ⵡⴰⵢ ⴰⴳⵍⵍⴰⵏ ⴰⴷ ⵉⵙⵍ ⵏⵉⵖ ⴰⴷ ⵉⵖⵕⵉⵙⵎ ⴰⵢⴰ, ⴰⴷ ⵉⵙⵙⵏ ⴱⵍⵍⵉ ⴷ’ⵉⵙⵎ ⵏ ⵓⵎⵓⴽⴰⵏ, ⵡ ⵎⴰ ⵢⵍⵍⴰ ⵉⵜⵓⵜⵍⴰⵢ ⵜⴰⵎⴰⵣⵉⵖⵜ ⵏⵉⵖ ⵜⵉⵛⵜ ⵙⵉ ⵜⴰⵏⵜⴰⵍⴰⵡⵉⵏ ⵏⵙ, ⴰⴷ ⵉⵏⵉ ⴷ’ⴰⵎⵓⴽⴰⵏ ⴷⴳ ⵉⵛⵜ ⵙⴳ ⵉⵖⵉⵔⵏ ⵏ ⵜⵉⵎⵓⵔⴰ ⵏ ⵜⴰⴼⵔⵉⵇⵜ ⵜⴰⵏⵉⵊⵜ.

ⴷⴳ ⵓⴷⵔⴰⵔ ⵉⵏⵓ, ⵢⵅⴼ ⵓⴳⵉⴷⵔ ⴷⴳ ⵓⵖⵉⵔ ⵏ ⵜⴰⵎⵍⵉⵍⵜ ⴷⴳ ⴰⵡⵔⴰⵙ, ⵖⴰⵔⵏⵖ ⴰⵎⵓⴽⴰⵏ ⵀⴰⵎⵎⴰ ⵙ ⵉⵙⵎ ⴰⵢⴰ, ⵉⵖⵥⵔ ⵏ ⵉⵍⴼ, ⴰⴰⵍⴷ ⵉⵎⵉⵔⴰ ⵓⵍⵍⵉⵛ ⵏ ⵓⵜⵔⴰⵔ ⴷⵉ ⵜⵓⵜⵍⴰⵢⵜ ⴰⵢⴰ. ⴰⵎⴽ ⵉⵍⵍⴰ ⴷⴳ ⵓⵇⵓⵡⵡⴰⵕ ⵉⵏⵓ ⵉⵍⵍⴰ ⴷⴳ ⵉⵇⵡⵡⵓⵔⴰ ⵉⵢⵉⴹⴷⵉ ⵜⴰⴼⵔⵉⵇⵜ ⵏ ⵓⴳⴰⴼⴰ, ⵉⵜⵡⴰⵙⵙⵏⵏ ⵙ ⵜⴰⵜⵓⴲⵓⵏⵉⵎⵉⵜ ⵏ ⵉⵎⵓⴽⴰⵏ ⵏⵏⵙ ⵉⵇⵇⵏⵏ ⴰⵏⵇⵇⴰⴷ ⵖⴰⵔ ⵓⴳⴰⵎⴰ ⴷ ⵡⴰ ⴰⵙ ⵉⵏⴹⵏ.

ⴰⵜⵔⴰⵔ ⵉⵙⵎ ⴰⵢⴰ ⵓⵍⴰ ⴷⴳ ⴰⵡⵔⴰⵙ, ⵓⵍⴰ ⵖⵔ ⵉⵎⴰⵣⵉⵖⵏ, ⵓⵍⴰ ⴷⵉ ⵜⴰⴼⵔⵉⵇⵜ. ⵎⴰⵛ ⵉⵍⵍⴰ ⴷⵉ ⴰⵡⵔⵓⴲⴰ, ⴷⵉ ⵜⵎⵓⵔⵜ ⵏ ⴰⵍⵎⴰⵏⵏ,ⴷⵉ ⵛⴰ ⵏ ⵓⵖⵉⵔⴰⵙ ⵇⵇⴰⵔⵏ ⵓⴷⵏⵠⴰⵍⴷ. ⴰⵢⵜⴱⴰⴱ ⵏ ⵓⵖⵉⵔ ⴰⵢⴰ ⵇⵇⴰⵔⵏ ⴰⵙ ⵛⵠⴰⵢⵏⴱⴰⵅ, ⴼ ⵓⵎⵣⵡⴰⵔⵓ ⵓⵔ ⵙ ⵓⵛⵉⵖⵛⴰ ⵍⵎⴰⵢⵏⵜ, ⵏⵉⵖ ⴷ’ⴰⵎⵓⴽⴰⵏ ⴰⵎ ⴰⴽⴽⵯ ⵉⵎⵓⴽⴰⵏ ⴷⵉ ⵜⴷⵓⵏⵉⵜ. ⵎⴰⵛⴰ ⴰⵏⵉ ⴰⵙ ⵉⴳⵉⵖ ⵓⵏⵎⴳⵔⵓⴷ ⵖⵔ ⵜⵎⴰⵣⵉⵖⵜ ⵙⵙⴱⴰⵃⵔⵖ! ⵏⵉⵖ ⴰⵇⵍ ⵓⴷⴰⵏ ⵎⵓⴽⵛⴰ ⵜⵃⴰⴹⴰⵏ ⴼ ⴰⴳⵍ ⵏ ⵜⵉⵎⵓⵔⴰ ⵏⵙⵏ.

ⵎⴰⵜⵜⴰ ⴰⵢ ⵉⴴⵉⵏ ⴰⴷ ⴰⵔⵓⵖ ⵇⵍⵉ ⵏ ⵓⵡⴰⵍⵏ ⴰⵢⴰ ⴰⵙⵙⴰ, ⵀⴰⵎⵎⴰ ⵉ ⵓⴷⴰⵏ ⵏⵖ, ⴱⴰⵛ ⴰⴷ ⵏⵙⵙⵏ ⴱⵍⵍⵉ ⴰⵎ ⵏⵞⵏⵉⵏ ⴰⵎ ⵓⴷⴰⵏ ⴷⵉ ⵜⵎⵓⵔⵜ, ⴽⵓⵍ ⵉⵛⵜ ⵖⵔⵙ ⵉⴷⵍⵙ ⵏⵏⵙ ⵡ ⵖⵔⵙ ⴰⴳⵍⴰ ⵏⵏⵙ, ⵡ ⵇⵇⵉⵎⵖ ⵇⵇⴰⵔⵖ ⵉ ⵉⵎⴰⵏ ⵉⵏⵓ, ⴽⵎⵎⴰ ⵙⴳ ⵉⵎⴽⴰⵏ ⵡ ⵎⴰⵜⵜⴰ ⴷ’ⴰⵎⵣⵔⵓⵢ ⴰⴳ ⵏⵙⵙⵔⵓⵃ , ⵡ ⵎⴰⵜⵜⴰ ⴰⴳ ⵉⵇⵇⵉⵎⵏ ⴰⴷ ⵏⴽⴽⵙ ⴼⵍⵍⴰⵙ ⵛⴰⵏ ⵡ ⴰⴷ ⵏⵃⴰⴹⵉ ⴼⵍⵍⴰⵙ ⴰⵎⴽ ⵜⵉⴳⵏ ⵓⴷⴰⵏ ⴼ ⵓⴷⵎ ⵏ ⵜⵎⵓⵔⵜ.

ⵏⵞ ⵜⵎⵎⵍⴼ ⴰⴷ ⴰⵔⵓⵖ ⴼ ⵉⵙⵎⴰⵡⵏ ⵏ ⵉⵎⵓⴽⴰⵏ ⵢⵉⴹ, ⵡ ⴰⴷ ⵏⵙⵙⵎⵓⵇⵇⵍ ⴰⵎⴽⴰ ⵜⵎⵛⴰⴱⴰⵀⵏ ⵉⴷⵍⵙⴰⵏ ⵊⴰⵔ ⴰⵏⵇⵇⴰⴷ ⵏ ⵜⵎⵓⵔⴰ ⴷ ⵉⴳⴷⵓⴷⵏ.

Schweinbach, nigh Ighzer n ilf!

Way agellan ad-isl nigh ad-igher ism aya, ighzer n ilf, ad-issen belli d’ism umukan. W ma yella itutlay tamazight nigh ticht si tantalawin nes, ad-ini d’amukan deg icht seg ighiren n timura n Tafriqt tanijit.

Deg udrar inu, ikhef ugider deg aghir n Tamlilt deg Awras, ghernagh amukan hamma s ism-aya, ighzer n ilf. Ald imira ullich n utrar di tutlayt-aya, amk yella deg uquwar inu yella deg iqwwura yyid di Tafriqt n ugafa, itwassnen s tatoponimit n imukan nnes iqqnen aneqad gher ugama d wa as-inḍen.

schweinbach heidelberg

Atrar, ism-aya ur-yelli ula deg Awras, ula gher imazighen, ula di Tafriqt, mach yella di Awruppa. Di tamurt n Allemanen, di cha n ughir as-qqaren Odenwald, aytbab n ughir qarn-as Schweinbach. F umzwaru ur-s-uchighecha lmaynet, nigh d’amukan am akkw imukan igellan di tdunit, macha ani as-igigh anemegrud ghar Tamazight ssebḥregh! Nigh aqel udan mukcha tḥaḍan f agla n timura nsen.

Melmi nil ad nezzewzel iman nagh?

Way ay-idjin ad-arugh chra n awalen-aya assa. Hamma i udan nagh bach ad-snen belli am netchenin am udan di tamurt. Kul icht ghars idles nnes w ghars agla nnes. Qimgh qaregh i iman inu, kemma seg imukan w matta d’amzruy ag-nessruḥ, w matta ag-iqqimen ad-nekkes fellas chal w ad-nḥaḍa fellas amk tigen udan deg umḍal.

Netch temmlegh ad arugh f ismawen n imukan iyiḍ, w ad nsmuqqel amk itemchabahen idelsan jar aneqqad n timura d igduden.

PS. This is the original version of this article, as soon as possible, an English or French version will be added.